Ansvarlig for nettstedet: Norsk lokalhistorisk institutt

Lokal institusjons-, bedrifts- og organisasjonshistorie

Å skrive skule- og kyrkjehistorie, historia til sparebanken i bygda, den lokale bedriftsklubben, velforeininga eller idrettslaget osv. har lang tradisjon i det lokalhistoriske miljøet. Slike publikasjonar kjem gjerne ut i samband med jubileumsmarkeringar. Dei kan vere omfattande og med stor fagleg tyngde, skrivne av profesjonelle forskarar. Oftare er dei vel mindre pretensiøse produkt av gratis arbeid ved engasjerte amatørar og dugnadsinnsats av lagsmedlemmer osv. Det er sjeldan at slike bøker blir offentleg finansierte.

Det finst fleire profesjonelle miljø som er engasjerte i slikt arbeid. Særskilt for bedrifts- og anna næringslivshistorie kan nemnast Senter for næringslivshistorie ved Handelshøyskolen BI. Lokalhistorisk stiftelse er regionalt basert i Rogaland (Haugalandet).

Nettstedet har mottatt økonomisk støtte fra Kulturnett Norge