LOCAL HISTORY
WORLD WIDE

Ansvarlig for nettstedet: Norsk lokalhistorisk institutt

Lokalhistorie som universitetsfag - introduksjon

Lokalhistorie som forskingsgrein og undervisningsfag ved universitet og høgskolar inngår prinsipielt på linje med andre disiplinar og retningar innan historiefaget, og vil følgjeleg stå sterkare eller svakare alt etter dei tilsette sin vitskaplege profil og alt etter som dei faglege prioriteringane endrar seg innan dei respektive institutta. Berre universiteta i Trondheim og Tromsø har/har hatt lærestolar øyremerka for lokalhistorie i Noreg.

Både i Trondheim og Tromsø, men også i dei andre universitetsbyane og ved høgskolestadene har dei historiske institutta på mange vis verka som ressurssentra for lokalhistorisk oppdragsforsking og generell lokalhistorisk aktivitet i sine respektive regionar. Det kan vere ved rådgjevingsarbeid, ved opne kurs og seminar, og ikkje minst ved at universitets- og høgskoletilsette har vore engasjerte i lokalhistoriske oppdragsarbeid som initiativtakarar, støttespelarar eller også som utøvarar.

Eit viktig tilknytingspunkt mellom den lokalhistoriske forskinga i og utanfor universitets- og høgskolemiljøa, er fagtidsskriftet Heimen, som blir utgjeve av Landslaget for lokalhistorie. Redaksjonen for tidsskriftet har ambulert mellom historiske institutt ved universiteta og høgskolane, og består p.t. av tilsette ved Høgskolen i Agder.

Les meir om:
> Lokalhistorisk professorat i Trondheim
> Lokalhistorisk professorat i Tromsø
> Universiteta i Oslo, Bergen og Stavanger og høgskolane

Søk i lokalhistorie.no

levert av FreeFind

Relatert litteratur:

> Lokalhistorie i forskning og kulturarbeid gjennom 200 år. (Universitetsforlaget 1970.) Sjå der side 182-187.
> Sandnes, Jørn: "Lokalhistorien og universitetene" i Søkelys på lokalhistoria. (NLI, Oslo 1981.)
> Slettan, Dagfinn: "Lokalhistorie ved universitet og høgskolar etter 1970", i I arbeid for lokalhistorie og kulturvern. Landslaget for lokalhistorie 75 år 1920-1975. (Trondheim 1995).
> Slettan, Dagfinn: "Lokalhistoria som universitetsfag", i Blikk på lokalhistorie. (NLI, Oslo 1997)

Nettstedet har mottatt økonomisk støtte fra Kulturnett Norge