Ansvarlig for nettstedet: Norsk lokalhistorisk institutt

Lokalhistorisk professorat i Trondheim

I Trondheim vart det i 1961 oppretta eit dosentur med spesielt ansvar for lokalhistorie ved Noregs Lærarshøgskole (som frå 1969 gjekk inn i det nye universitetet, i dag NTNU). I dag er den lokalhistoriske ansvaret tillagt eit professorat. Dei som har site i stillinga er i tur og orden: Halvard Bjørkvik, Jørn Sandnes, Jan Eivind Myhre og (pr. i dag) Ida Bull.

Frå 1978 vart det også oppretta ei amanuensisstilling ved universitetet i Trondheim, finansiert med tilskot frå Trøndelags-fylka og Trondheim by ("trønderamanuensen", fyrst Dagfinn Slettan, så Berit Gulliksen). Seinare vart stillinga lagd til Trøndelag folkemuseum med kontor også ved Historisk institutt ved universitetet. Stillinga er ikkje i dag lenger øyremerka lokalhistoriske funksjonar.

Historisk institutt ved NTNU forvaltar ei samling munnleg kjeldemateriale av stor lokalhistorisk interesse: Sosialhistorisk minnesamling for Trøndelag. I perioden 1974-2000 hadde instituttet også hand om samlinga Arbeiderminner. Den er nå flytta attende til Norsk folkemuseum, Oslo.

Søk i lokalhistorie.no

levert av FreeFind

Relaterte lenker:

> NTNU i Trondheim: Lokalhistorie som påbyggingsemne på bachelornivå

Nettstedet har mottatt økonomisk støtte fra Kulturnett Norge